حمام حلس معلومات عن تقليب ومواصفات وتأصيلة الحمام الحلس
حمام حلس معلومات عن تقليب ومواصفات وتأصيلة الحمام الحلس بسم الله الرحمن الرحيموصف الحمام الحلسالحمام الحلس مهجن من سلاله مصريه وسلاله شاميه زي مثلا كركندي نديه لمسود اوابقلق اخضر وهكذاوفي بعض الغواه بتقول انه سلاله اساسيه او بيت اساسي زي المسود
حمام حلس معلومات عن تقليب ومواصفات وتأصيلة الحمام الحلس
الوان الحلس
الحلس لونه الأساسي أزرق شبيه للكركندي في التوب والابلق الاخضر والحلس المنقط والحلس قشر بندق
العشر في الجناح ابيض زي المسود عشر ابيض ومستحب العشر يكون مفتوح زي الحمام المسود ومفتوح بتعني ان الجناح يبقي عدد الريشه البيض اكت
( الدبك خوخي )وفي حلس بيجي بدبك غامق مائل للسوادوالذيل ابيض
مواصفات الحمام الحلس
الحمام الحلس من الحمام القوي جدا زي المسود
القطقاطي والاسترالي حمامه جامده في النش
حمامه طويله (العضا )اي الطول بلغة الغواه
عنيها بيضه الصدر العريض ورقبته طويله وعريض
الريشه متستف
في مجمل الوصف الحلس قوي طويل واساسي اذا كنت حابب تنش او تغوي حمام جامد في الطيران
تقليب الحمام الحلس
الرأس مخرج العضم او المنقار من الامام مسطح
وفي منتصف الرأس بتكون شبه مسديره ومسحوب او مشطوفه من الخلف كما موضح بالصور
عين الحمام الحلس
العين مستديره واسعه وأما لون العين او الضريبه بيضاء
وفي الالوان التانيه زي المنقط والحلس المفصص والحلس الغامق بتيجي الضريبه ذيتوني وبتلاقي العين ماشيه مع لون التوب
العضم وهو منقار فرد الحمام
عضم الحلس يستحسن يبقي عريض شويه عن الحمام العادي وخارج من منتصف الرأس لانه من الحمام القوي زي ما قولنا لذلك مستحب ان العضم يبقي مليان شويه عن الحمام الشوامه او الزاجل وده بيديلو اصاله في السلاله ،
لون عضم الحلس
طبعا لون عضم الحلس بيبقي اشكح عاجي مائل للسواد وده بيترتب عليه أنك بتلاقي لون العضم ماشي مع لون الاظافر وكمان لايق مع توب فرد الحمام يعني بتلاقي المنقار لونه زي لون التوب لو فاتح بيبقي المنقار فاتح وهكذا
تكوين جسم الحمام الحلس
التكوين بيبقي كالتالي قوة الحمام وانتا مسكه في ايدك
طوله الحمام الحلس من الحمام الطويل والقوي وصدره عريض
رعن وكلمة رعن في الغيه مصطلح بنقولو علي الحمام الذكي وحركي كده بتلاقيه مش واقف علي بعضه عايز يطير باي شكل من الاشكال
وفي النهايه حابب اقول لناس الجميله اللي بتحب غواية الحمام الحلس مفيش خلاف علي هذا النوع متهجن ولا لا ومش ديه نقطه هنختلف عليها لكن هنقول انه فرد حمام اثبت وجوده
حمامه قويه جداجدا مفيش غيه مفهاش حمام حلس وهذا مايميز الحمام الحلس الجميل
استودعكم الله الذي لا تضيع ودائعه السلام عليكم ورحمة الله وبركاته ولو عجبك الموضوع ياريت متابعه او تعليق وجزاكم الله خيرا
تعليقات